|
Guddiga Dastuurka Qaranka ee Madaxa Bannaani wuxuu si culus u dhaleeceynayaa go’amaddii sharci darada ahaa ee ka soo baxay kalfadhigii Golaha Wasiirada DKM Axaddii, 11/09/2011; go’aamadaasoo meel ka dhac weyn ku ah xilalka dastuur sameynta ee Axdi Qarameedu ku aaminay gacanta Guddida Madaxa Banna iyo go’aanaddii Shirkii Wada Tashiga qaran ee Dhinacyada Siyaasadeed ee Soomaalidu ku yeesheen Muqdisho 04-06/09/2011.
Go laha Wasiiradu waxay ku tunteen qoddobada Axdiga ku Meel Gaarka oo ay ka mid:
- Qoddobka 11aad (5) iyo (6) eeAxdiga ku Meel Gaarka ah ee soo baxay Feb. 2004 iyo Shuruucda ka soo baxday Baarlamaanka ku Meel Gaarka ah ee la xidhiidha xilka Guddiga Dastuur Sameynta ee Madaxa Bannan.
Sidaa daraadeed, iyadoo la dhowrayo Axdi Qarameedka iyo shurucda dalka iyo dhaqanka dastuuriga ee ee lama huraanka ah in Soomaalidu barato, waxaanu ugu baaqeynaa Xukkumadda in aanay iyadu horsed ka noqonta jebinta sharciyadda ee ay tusaale wanaagsan oo sharci dhowris ah u noqdaan ummadda Soomaaliyeed.
Waxaanu soo dhoweyneynaa in Guddi khubaro Soomaaliyeed ah oo taageerta Guddiga Madaxa bannaan la magcaabo si loogu dhammeys tiro dastuurka xilliggii loogu tala galay.
Waxaanu rajeyneynaa in Golaha wasiiradu si degdeg ah uga noqdaan go’aanadaa ay soo sareen, si aan loo gelin xaalad dastuur oo cakiran (Constitutional Crisis) taasoo halis aan la qiyaasi Karin horseedi karta.
Wixii warar ah ee dheeraad ah waaxaad kala xidhiidhaa Goobta ‘Internet’ka ee Guddiga Dastuur Sameynta: www.datuur.org ama kala xidhiidh Guddoomiyaha Guddigaa:
This e-mail address is being protected from spambots. You need JavaScript enabled to view it
iyo tilifoonka: +254 721624425.
|
